A asociación de investigadores/as Precarios Galicia nace coa finalidade de defende-los intereses do colectivo. Reivindícase o recoñecemento dos dereitos laborais (seguridade social, paro, vacacións, prevención de riscos laborais,…) que se nos negan e que, no mellor dos casos, se suplen con bolsas (oficialmente, axudas ó estudo, pero moitas das cales gravan en Facenda como “rendementos do traballo”). A nosa aspiración é que ningún investigador en formación traballe en precario, teña bolsa ou non. En Precarios Galicia apostamos por un modelo económico baseado na I+D+i.
Se é a primeira vez que visitas a nosa páxina, recomendámosche que leas a carta aberta e unha presentación máis detallada sobre que é Precarios.
Tamén che recomendamos que visites a páxina da Federación de Jóvenes Investigadores, da que Precarios Galicia forma parte, xunto a outras 18 asociacións de investigadores de ámbito local ou autonómico.
Se estás interesado en formar parte de Precarios-Galicia: asóciate!